“Роналду даражасида”. Перес “Реал” катта трансфер қилишини айтди

“Реал Мадрид” президенти Флорентино Перес мадридликлар жамоаси ёзги трансферлар ойнасида йирик харидни амалга оширишга тайёр эканини маълум қилди. Бу ҳақда Перес ўзининг сайлов олди дастурида тўхталиб ўтди. 

“Олисе? У ажойиб футболчи, аммо гап у ҳақида эмас. Бу бошқа ўйинчи. У ярим ҳимоячи ёки ҳужумчи. Холандми? Йўқ, у ҳам эмас. Доку ҳам эмас. Бу футболчи ҳақиқий суперюлдуз. Унинг кимлигини билганларида одамлар ҳайратда қолади. Молиявий жиҳатдан бу трансфер Криштиану Роналдуники билан тенглаша олади.Менинг трансферим Премьер-лигадан бўлмайди. У ёш футболчи”, дейди Перес.

COPE маълумотларига кўра, “қаймоқранглилар” ПСЖнинг 21 ёшли португалиялик ярим ҳимоячиси Жоау Невешни ўз сафига қўшиб олишни режалаштирмоқда. Клуб футболчи учун 150 миллион евро тўлашга тайёр ва Перес айтган суперюлдуз кўп эҳтимол билан Невеш бўлиши мумкин.

Маълумот учун, Жоау Невешнинг парижликлар билан амалдаги шартномаси 2029 йил июнига қадар мўлжалланган.

Ўтган мавсумда Невеш Франция чемпионатида ПСЖ сафида 21 та учрашувда майдонга тушиб, 5 та гол урди ва 1 та голли узатмани амалга оширди.