Ўзбекистонда ҳаво ҳарорати 15 даражагача кўтарилади

Ўзгидромет 6-8 февраль куни кузатиладиган об-ҳаво маълумотини эълон қилди.

Унга кўра, бугун, 6 февраль куни куннинг биринчи ярмида Ўзбекистон ҳудудининг катта қисмида ёғингарчилик (ёмғир, қор) бўлади, фақат шимолий ҳудудларда ёғингарчилик кутилмайди. Ҳаво ҳарорати кундузи 1-6 даража илиқ, шимолда 2-7 даража совуқ бўлади.

Эртага республика ҳудуди бўйича ёғингарчилик кутилмайди, фақат Фарғона водийси ҳудудларида ёғингарчилик (ёмғир, қор) бўлиши мумкин. Ҳаво ҳарорати кечаси 2 даража совуқ – 3 даража илиқни ташкил этади, кундузи 7–12 илиққача кўтарилади.

Якшанба куни асосан ёғингарчиликсиз об-ҳаво бўлиши кутилмоқда. Ҳаво ҳарорати кечаси 0–5 даража илиқни, кундузи 10–15 даража илиқни ташкил этади.

Баъзи жойларга туман тушиши мумкин. Шамол 7-12 м/с тезликда эсади, 6 ва 8 февраль кунлари айрим жойларда 13–18 м/с гача кучайиши мумкин.

Тоғли ҳудудларда вақти-вақти билан ёғинганрчилик (ёмғир, қор) бўлади. Қор кўчиши хавфи бор.

Тошкентда бугун, 6 февралда куннинг биринчи ярмида ёғингарчилик (ёмғир, қор) бўлади, туман тушиши мумкин. Шамол ғарбдан 5–10 м/с тезликда эсади. Ҳарорат 3–5 даража илиқ бўлади. Пойтахтда дам олиш кунлари ёғингарчилик кутилмайди, эртага, 7 февраль кечаси ва эрталаб туман тушиши мумкин. Шамол шарқдан 3–8 м/с тезликда эсади. Ҳарорат эртага кечаси 1 даража совуқ–1 даража илиқ, кундузи 9–11 даража илиқ, якшанба куни кечаси 1–3 даража илиқ, кундузи 13–15 даража илиқ бўлади.