"Катта дубулға" турнирларининг 22 карра ғолиби, жаҳоннинг собиқ биринчи рақамли ракетка устаси бўлган испаниялик теннисчи Рафаэль Надаль Мадриднинг "Реал" футбол клуби президенти бўлиши эҳтимолига оид саволга расмий муносабат билдирди.
- "Реал" клубида ўз ишининг устаси бўлган президент бор ва ҳозирча янгисининг зарурати йўқ. Келажакда бизларни нима кутаётганини ҳеч ким билмайди. Умуман олганда, ҳа, бундай таклиф мен учун қизиқ ва руҳлантирувчи чақириқ бўлиши мумкин. Аммо аввало бундай масъулиятли вазифага тайёр эканимни аниқ билишим керак. Мен бунга рози бўлармидим? Эҳтимол, ҳа. Бу бир вақтлар президентлик лавозимини кўриб чиқишим мумкинлигини англатадими? Бунга аниқ жавоб бера олмайман. Бу мен учун ҳозирча узоқ ва мураккаб вазифа бўлиб кўринади, бироқ ҳаётда ҳеч нарсани олдиндан айтиб бўлмайди, — дея Надалнинг фикрларини келтирмоқда Mundo Deportivo нашри.
Эслатиб ўтамиз, таниқли теннисчи "Реал" клубининг ашаддий мухлиси сифатида ҳам яхши танилган.
Тасодифий хабарлар
Ўзбекистонлик аёл Истанбулда чақалоғини халтага солиб, 4-қаватдан улоқтирди
АҚШ Ўзбекистон президентининг ислоҳотлар дастурини қўллаб-қувватлашини билдирди
“Ўзбекистонда бир кун”. Дубай валиаҳди Навоийдаги сафари видеосини эълон қилди
Қурбон ҳайити қачон бўлади? – Саудия Олий суди баёнот берди
Наманган халқаро аэропортидан Россиянинг икки шаҳрига авиапарвозлар йўлга қўйилмоқда