Хитой олимлари дунёда илк бор инсонга чўчқанинг ўпкасини кўчириб ўтказди. Бу ҳақда “Nature Medicine” хабар берди.
Тажриба Гуанчжоудаги тиббиёт марказида ўтказилган. Ҳайвонда CRISPR технологияси (бактериялар ва архейларнинг табиий иммун тизимига асосланган DNK’ни аниқ таҳрирлаш технологияси) ёрдамида ўзгартирилган олти ген мавжуд бўлган. Ўпка қон қуйилиши оқибатида миясида ўлим қайд этилган 39 ёшли эркак реципиентга кўчириб ўтказилган. Бу шароит шифокорларга этик меъёрларни бузмасдан ва иложи борича ҳақиқий ҳолатга яқин шароитда қимматли маълумот олиш имконини берган.
Операциядан сўнг орган 216 соат (тўққиз кун) давомида тирик ҳолатда сақланиб, ўткир рад этилиш ёки инфекция белгилари кузатилмаган. Бироқ кўчириб ўтказилгандан бир сутка ўтгач, шифокорлар трансплантат дисфункциясини эслатувчи оғир шиш кузатишган.
“Гарчи бу тадқиқот чўчқа ўпкасини инсонга ксенотрансплантация қилиш имкониятини кўрсатса-да, органни рад этиш ва инфекция билан боғлиқ жиддий муаммолар сақланиб қолмоқда ва бу усулни клиник амалиётга жорий этиш учун қўшимча тадқиқотлар зарур”, дейилади хабарда.
Тасодифий хабарлар
Шавкат Мирзиёев Чили Президентига табрик йўллади
Тўқаев 2026 йил президентликдан кетиши ва Конституцияни ўзгартирмаслигини айтди
Талаба қизлар ётоқхонасига ўрнатилган камера бўйича ректорат тилга кирди, ИИБ тергов бошлади
Россия санкция киритилган бойларини қутқариш ҳаракатини бошлади
Ўзбекистон “Спутник V” вакцинасига 70 млн доза буюртма берган – “Bloomberg”