Блогерга маъмурий баённома расмийлаштирилди, тимсоҳ эса ҳайвонот боғига топширилди.
Ижтимоий тармоқларда блогер уйида Нил тимсоҳини сақлаётгани акс этган видеолар юзасидан Экология, атроф-муҳитни муҳофаза қилиш ва иқлим ўзгариши вазирлиги ўрганиш олиб борилганини маълум қилди.
Ўтказилган рейд давомида Тошкент шаҳрида яшовчи фуқаро яшаш манзилида бир бош Нил тимсоҳини сақлаётганлиги аниқланган.
Ҳуқуқбузарга нисбатан Маъмурий жавобгарлик тўғрисидаги кодекснинг 92−1-моддаси 1-қисми билан маъмурий баённома расмийлаштирилган. Иш юзасидан тўпланган ҳужжатлар ҳолатга ҳуқуқий баҳо бериш ва тегишли чора кўриш учун суд органларига юборилган.
Тимсоҳ Тошкент ҳайвонот боғига топширилган.
Маълумот учун, Вазирлар Маҳкамасининг “Ёввойи ҳайвонларни сақлаш тартибини такомиллаштириш чора-тадбирлари тўғрисида”ги 736-сон қарорига асосан, 2025 йил 1 январдан жисмоний шахслар томонидан (рўйхат асосида) ёввойи ҳайвонларни тутқунликда сақлаш ҳамда улардан цирк томошаларида фойдаланиш тақиқланган.
Тасодифий хабарлар
Нега Аҳад Қаюмга нисбатан чора кўрилмаяпти?
Ўзбекистонда 1 ойда 135 млрд сўмдан ортиқ “свет” ва газ ўғирланди
«Наҳот шуни тушуниш учун катта ақл шарт бўлса?!» — Судьялар олий кенгаши масъули Сатторийнинг апелляция суди Самарқанддан Термизга кўчирилиши сабаблари ҳақида
Андижонда мактаб директори хонасида ўқитувчини пичоқлади
Жиноятчи амалдорлар 4 йилда давлат ва жамиятга 3,5 трлн сўм зарар етказган