Ўзбекистонлик боксчилар халқаро турнирда пешқадам бўлди

Жорий йил 22 майдан 1 июнгача Таиланднинг Бангкок шаҳрида бўлиб ўтган “Thailand Open” халқаро турнирида медаллар жамғариш бўйича умумжамоа ҳисобида пешқадамга айланди. Бу ҳақда QALAMPIR.UZ манбаси хабар берди.

Сўнгги финал баҳсларидан сўнг ўзбекистонлик боксчилар 5 та олтин, 4 кумуш ва 7 та бронза медалларини қўлга киритди. Жами медаллар сони 16 та.

Иккинчи ўринни эса 5 та олтин, 2 та кумуш, 5 та бронза билан қўшни Қозоғистон жамоаси қайд этди. Мезбон таиландликлар эса 12 та медаль кучли учликка якун ясаган (3 та олтин, 5 та кумуш, 4 та бронза).

Ўзбекистонлик ғолиб ва совриндорлар қуйидагилар:

Олтин медал:

• -50 кг: Шодиёржон Мелиқўзиев;
• -55 кг: Фарёзбек Дўсматов;
• -85 кг: Нусратбек Тоҳиров;
• -48 кг: Фарзона Фозилова;
• -75 кг: Азиза Зокирова.

Кумуш медал:

• -70 кг: Муҳаммадазизбек Исмоилов;
• -75 кг: Жавоҳир Абдураҳимов;
• -51 кг: Сабина Бобоқулова;
• -54 кг: Феруза Казакова.

Бронза медал:

• -60 кг: Мадиёр Дониёров;
• -80 кг: Самандар Жалолов;
• -90 кг: Элёрбек Жўрабоев;
• +90 кг: Абдураҳмон Рустамов;
• -57 кг: Нигина Ўктамова;
• -65 кг: Навбаҳор Ҳамидова;
• -70 кг: Ойша Тоирова;