АҚШ ва Украина қарши ҳужумнинг муваффақиятсизлиги учун бир-бирини айбламоқда – WP

Украина ва Америка томонлари бир-бирини Киевнинг қарши ҳужум уюштиришга уринишлари муваффақиятсизликка учраганликда айбламоқда. Бу ҳақда “The Washington Post” шарҳловчиси Макс Бутнинг чоп этилган фикр-мулоҳазаларида айтилади. 

Материалда қайд этилишича, Киевнинг қарши ҳужум уюштиришга уринишлари Украина раҳбарлари ва унинг Ғарбдаги тарафдорлари кутган катта муваффақиятга олиб келмаган.

"Украина нега кўпроқ муваффақиятга эришмади? Саҳна ортида Украина ва АҚШ расмийлари ўртасида кўплаб ўзаро айбловлар бор. Америкаликлар шикоят қиладиларки, украиналиклар НАТО услубидаги қўшма қуролли ҳужумни ўтказа олмади ва Совет ҳарбий стратегиясига хос бўлган эскирган урушга қайтди, шу билан бирга жуда зарур бўлган ходимларни Бахмут (Украинча Артемовск номи) атрофидаги иккинчи даражали операцияларга йўналтирди”, дейилади мақолада.

Ўз навбатида, украиналиклар Ғарб Россия истеҳкомларини бузиб ўтиш учун етарлича қурол-яроғ билан таъминламаганидан, берилган қуролларнинг ҳам кўпи ишламай қолганидан шикоят қилган. 

“Украина миналардан тозалаш учун ускуналар ва зирҳли техника, энг муҳими, Россиянинг бошқариладиган ва учувчисиз самолётларининг зарбаларини қайтариш учун етарли кучга эга эмас”, дейилади материалда.