Украинанинг қарзи қанчага етгани маълум бўлди

Украина давлат қарзи 132 миллиард доллардан ошди, бу 4 860,59 миллиард гривенга тенг. Бу ҳақда Украина Молия вазирлиги сайтида хабар берилди.

«2023 йил 31 июл ҳолатига кўра, Украинанинг давлат ва давлат томонидан кафолатланган қарзи 4 860,59 миллиард гривен ёки 132,92 миллиард долларни ташкил этди», — дейилади Украина Молия вазирлиги баёнотида.

Қайд этилишича, давлат томонидан кафолатланган ташқи қарз 3 319,19 млрд гривен ёки 90,77 млрд долларни ташкил этади.

Шунингдек, июл ойида давлат қарзи тўрт миллиард долларга ошгани хабар қилинган.