Кийим-кечак ва тиббий маҳсулотлар Лвив вилоятига етказилди.
18 август куни Украина-Ўзбекистон халқаро дўстлиги жамияти раиси Любомир Башинский Ўзбекистондаги нодавлат нотижорат ташкилотлари ва бизнес вакиллари томонидан йиғилган 10,5 тонна гуманитар юкни қабул қилиб олди. Бу ҳақда Украинанинг Тошкентдаги элчиси Николай Дорошенко хабар берди.
Украинага жами 785 844 гривна (21,3 минг доллар) қийматга эга қишки, спорт, аёллар ва болалар пойабзаллари, болалар учун трикотаж маҳсулотлари жўнатилган. Шунингдек, жами 157 771 гривна (тахминан 4280 доллар) қийматга эга тиббий шприц, тиббий пахта ва инфузион тизимлар юборилган.
Фото: Facebook / Mykola Doroshenko
Инсонпарварлик ёрдами аллақачон Лвив вилоятининг Дроҳобич тумани маъмурияти, Ижтимоий сиёсат бошқармаси ва Лвив вилояти махсус тиббий ёрдам бўйича кенгашига берилгани айтилмоқда.
«Бундай инсонпарварлик акцияси иштирокчиларига самимий миннатдорчилигимни ва амалга оширилган ишлар учун жаноб Башинскийга алоҳида миннатдорчилик билдираман», деб ёзди элчи Николай Дорошенко.
Тасодифий хабарлар
Хабибнинг отаси коронавирус юқтириб олди — ОАВ
Коронавирус билан боғлиқ учта маълумот қуруқ сафсата эканлиги маълум бўлди
Эрдўған Зеленский ва Жонсон билан келишиб олди
Наманганлик эркак Японияга ишлашга бормоқчи бўлди, аммо...
Фатво: бу йилги фитр ва фидя садақалари қандай адо этилади?