Ўзбекистонда энг кўп ўлимга олиб келаётган касаллик маълум қилинди

Ўзбекистонда қайд этилган ўлимнинг асосий қисми қон айланиш тизими касалликларидан келиб чиққан.

Давлат статистика қўмитаси маълумотларига кўра, 2022 йилнинг 1 октябрь ҳолатига Ўзбекистонда қайд этилган ўлим ҳолатининг 56,8 фоизи қон айланиш тизими касалликларига тўғри келган.

Ушбу кўрсаткич қолган касалликлар кесимида қуйидагича кўриниш олди:

• қон айланиш тизими касалликлари – 74 109 та
• нафас олиш аъзолари касалликлари – 12 805 та;
• ўсимталардан – 10 535 та;
• бахтсиз ҳодиса, заҳарланиш ва жароҳатлардан – 7 260 та;
• овқат ҳазм қилиш аъзолари касалликлари – 5 264 та;
• юқумли ва паразит касалликлари – 1 976 та;
• бошқа касалликлардан – 18 417 та.