Ижтимоий тармоқларда Чирчиқ шаҳрида 3 нафар ҳарбий хизматчи томонидан банкоматлардан пул ўғирлашга уриниш ҳолати содир этилгани ҳақида хабарлар тарқалди. Мазкур воқеа юзасидан Мудофаа вазирлиги раддия берди.
Вазирликка кўра, қўлга олинган ҳарбий хизматчиларнинг Мудофаа вазирлигига ҳеч қандай алоқаси йўқ, улар Ички ишлар вазирлиги Қоровул қўшинлари ҳарбий хизматчилари бўлган.
“Ҳарбий хизматчилар тоифасига Ўзбекистон Республикаси Мудофаа вазирлиги, Ички ишлар вазирлиги, Миллий гвардия, Фавқулодда вазиятлар вазирлиги, Давлат хавфсизлик хизмати, Ўзбекистон Республикаси Президенти давлат хавфсизлиги хизмати ва бошқа манфаатдор вазирликлар, идораларнинг қўшинлар таркибида хизмат қилаётган шахслар киради.
Юқоридагиларни инобатга олиб, ижтимоий тармоқларда маълумотлар тарқатишдан аввал ҳарбий хизматчилар қайси бир вазирлик ёки идора вакили эканлиги аниқлангандан сўнг, аниқ фактларга асосланган ҳолда тарқатилиши мақсадга мувофиқдир. Умумий равишда тарқатилган маълумотлар барча вазирлик ва идораларнинг ҳарбий хизматчилари шаънига путур етказиши мумкин”, — дейилади раддияда.
Эслатиб ўтамиз, аввалроқ Ўрта Чирчиқ туманида Kapitalbank’га тегишли бўлган баҳоси 145 млн сўмлик банкомат ўғирлаб кетилиб, пули йўқлиги аниқлангач дарёга ташлаб юборилган эди.
Тасодифий хабарлар
Дам олиш кунлари юртимизда қандай об-ҳаво кузатилади?
МИБ ходимлари олдида ўзини ёқиб юборган андижонлик фуқаро касалхонада вафот этди
Россия-Украина можароси Ўзбекистон ва МО давлатларига қандай иқтисодий зарар келтириши айтилди
Чет элда ўзбекистонлик ўсмирнинг аёвсиз калтаклангани айтилмоқда (видео)
Ҳокимлар ҳудудларнинг беги эмас, халқнинг ёлланма ишчиси — Русланбек Давлетов