"1xbet" ўйинларига берилиб кетган шифокор жиноятга қўл урди

Қорақалпоғистон Республикаси Тахтакўпир туманида яшовчи,1946 й.т., шифокор Ж.А. ариза билан мурожаат қилиб, номаълум шахс унинг банк картасидан жами 4.045.000 сўм пулларини ечиб олганлигини билдирган.

Тезкор-қидирув тадбирлари давомида Ж.А.нинг банк картасидан пулларни ечиб олган шахс унинг ҳамкасби Тахтакўпир туманида яшовчи, поликлиника шифокори 1991 й.т., Е.Н. эканлиги аниқланган.

У онлайн таваккалчиликка асосланган "1xbet" ўйинларига берилиб кетганлиги сабабли ҳамкасбининг кексалигидан фойдаланиб, унинг банк картаси бошқарувини ўзининг телефонидаги мобил иловасига ўтказиб олиш орқали пулларни ўзлаштирганлиги маълум бўлди.

Е.Н.га нисбатан Жиноят Кодексининг 169-моддаси билан жиноят иши қўзғатилиб, тергов ҳаракатлари олиб борилмоқда.

ИИВ Киберхавфсизлик маркази