Намангандан Фарғонага олиб кетилаётган 220 кг яроқсиз гўшт тўхтатиб қолинди

Наманган вилоятининг «Норин» ЙПХ масканида истеъмолга яроқсиз 220 килограмм гўшт олиб кетаётган ҳайдовчи тўхтатиб қолинди.

Zo‘r TV телеканалининг «Бу кун» информацион дастурида маълум қилинишича, Намангандан Фарғонага кетаётган Labо тўхтатиб текширилганда унинг юкхонасида ҳеч қандай ҳужжати бўлмаган, келиб чиқиши номаълум гўшт олиб кетилаётгани аниқланган.

Вилоят ветеринария лабораториясига олиб борилиб текширилганида у истеъмолга яроқсиз экани аниқланган ва бу гўшт маҳсулотлари бозор расталарига кириб бориши олди олинган.