Фарғонада ўзини ёқиб юборган аёл шифохонада вафот этди

Бу ҳақда Фарғона нефтни қайта ишлаш заводи маълум қилди.

Жорий йилнинг 2 август куни Фарғона нефтни қайта ишлаш заводи биносининг кириш қисмида ўзига бензин сепиб, ёқиб юборган 47 ёшли аёл — Санобар Ҳайдарова шифохонада вафот этди.

Аёл бугун, 10 август куни соат 07:05 да Республика шошилинч тиббий ёрдам илмий маркази Фарғона филиалида вафот этган.

Эслатиб ўтамиз, унинг ўз жонига қасд қилишига, ишдан бўшатилгани сабаб экани айтилган эди. Маълум бўлишича, у оилада ёлғиз боқувчи бўлган. Турмуш ўртоғи ишсиз, 4 нафар фарзанди бўлган.