Қашқадарё вилояти ҳуқуқни муҳофаза қилувчи идоралари томонидан ўтказилган тезкор тадбирда Шаҳрисабз шаҳар ИИБ ЖҚБ ходими 6.000 АҚШ доллари билан қўлга олинди. Бу ҳақда вилоят прокуратураси Xabar.uzга хабар берди.
Хусусан, ходим ариза билан мурожаат қилган фуқаронинг шикоятини қонуний тартибда ўрганмасдан, жабрланувчининг бошқа бир фуқарога ер майдони сотиб олиш учун берган 27.000 ва у ерда амалга оширган қурилиш ишлари учун сарфлаган 13.000, жами 40.000 АҚШ доллари миқдоридаги пулларини ундириб бериш эвазига дастлаб 4.500 АҚШ долларини олган бўлиб, сўнгра яна 6.000 АҚШ доллари сўраган.
Таъкидлаш лозимки, ходимнинг тезкор тадбир вақтида воқеа жойидан қочишга ҳамда далилий ашё бўлган пулларни яширишга уринган ҳаракатлари жиноятни оғирлаштирувчи ҳолат сифатида баҳоланади.
Ҳозирда ходимга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Тасодифий хабарлар
«Ўзгидромет» эртанги об-ҳаво маълумотини эълон қилди
Украинага қарши жангнинг биринчи кунида Россия олигархлари қанча пул йўқотди? Алишер Усмонов-чи?
Қашқадарёда эшакларни аёвсиз калтаклаган шахс 12 суткага қамалди
Жаҳонга коронавируснинг янги турлари хавф солмоқда
Наманганлик аёл тунда босқинчиларга дуч келди