Bahodir Jalolov raqibini 1-raunddayoq nokautga uchratib, Jahon chempionati yarim finaliga yo‘llanmani qo‘lga kiritdi.

Rossiyaning Yekaterinburg shahri mezbonlik qilayotgan boks bo‘yicha Jahon chempionati chorak finali doirasida so‘nggi jang bo‘lib o‘tdi.

+91 kg vazn toifasi vakili allaqachon professional boksda harakat qilayotgan Bahodir Jalolovga chorak finalda amerikalik Richard Torres raqiblik qildi. Bahodir 1-raunddayoq raqibini chuqur nokaut holatiga tushirib qo‘ydi.

Raqib esa ringdan zambil yordamida olib chiqib ketildi.

Eslatib o‘tamiz, avvalroq Shahobiddin Zoirov, Mirazizbek Mirzahalilov, Bobusmon Boturov hamda Dilshodbek Ro‘zmetovlarning ham yarim finalga chiqqanligi haqida xabar berilgandi.