Илон Маскнинг Starlink лойиҳаси оғриқли зарбага учради

Илон Маскнинг Starlink сунъий йўлдош интернет лойиҳаси жуда оғриқли зарбага учради: 3 февралда учирилган 49 та сунъий йўлдошдан 40 таси яқин орада орбитадан чиқиб кетади ва геомагнит бўрон туфайли атмосферада ёниб кетиши мумкин.

Лойиҳа бўйича ҳаммаси бўлиб, ер орбиталарида 12 мингта шундай сунъий йўлдошлардан иборат бўлиши керак. Бўрон атмосферанинг исишига олиб келган ва гуруҳ жойлашган баландликларда унинг зичлиги ва қаршилигини оширган. Бу маълумот SpaceX веб-сайтида эълон қилинган хабарда келтирилган.

Ўтган ҳафта Кеннеди космик марказидан Falcon 9 ракетаси ёрдамида Starlink сунъий йўлдошларининг яна бир партиясини учирилиши маълум бир нуқтага қадар жуда оддий, ҳатто мунтазам операцияга ўхшарди. Falcon 9 нинг иккинчи босқичи сунъий йўлдошларни Ердан тахминан 210 км баландликдаги перигей билан мўлжалланган орбитага олиб чиқди, шундан сўнг ҳар бир бундай сунъий йўлдош автоном бошқариладиган парвоз босқичига ўтган. 201 -йилдан бери SpaceX юқори тезликдаги интернетни дунёнинг барча бурчакларига, айниқса интернетга мунтазам кириш имкони бўлмаган ёки жиддий чекланган жойларга етказиш мақсадида ушбу сунъий йўлдошларнинг 2000 дан ортиғини учирган.

Бироқ, 3 феврал куни ишга туширилгандан сўнг дарҳол Ер атмосферасига геомагнит бўрон ёпирилган. Бўрон «аввалги учирилишларга қараганда ҳавога 50 фоиз кўпроқ қаршилик кўрсатди» ва сунъий йўлдошларнинг мўлжалланган орбиталарига чиқишига тўсқинлик қилган.

Геомагнит бўрон сўнг дарҳол сунъий йўлдошлар хавосиз ҳолатга ўтказилган, бироқ уларнинг бир нечтаси қаршилик кўрсатишга қодир бўлмаган.

Space X сунъий йўлдошлари «ер атмосферасига қайта кириши ёки аллақачон кириб бўлгани» ва уларнинг қисқа вақт ичида ёниб кетишини айтган. Уарнинг парчалари ер юзасига етиб келмайди.

Space X шунингдек, ёниб кетган сунъий йўлдошлар бошқа космик кемалар учун хавф туғдирмаслигини айтган.

Гарвард-Смитсон астрофизика маркази астрономи Жонатан Макдауэлл Твиттерида: «Биз Starlinkнинг сўнгги партияси учун орбитал янгиланишлар етишмаслигини англадик», дея ёзиб қолдирган.

Албатта, 40 та йўқолган SpaceX сунъий йўлдошлари орбитага чиқарилган 2000 та сунъий йўлдошлар фонида унчалик ҳалокатли йўқотиш бўлиб кўринмайди. Бироқ, бу жиддий тижорий оқибатларига олиб келиши мумкин, чунки инвесторлар бутун лойиҳа қанчалик яхши ўйланганига шубҳаланишади.