Энди таксини осмондан чақирасиз

Америка стартапи "Joby Aviation" Жанубий Кореядаги телекоммуникацион компания "SK Telecom" билан ҳамкорликда авиатакси хизмати ва бу учун эса ҳаво транспортини йўлга қўймоқчи. Ҳамкорлик битими шу якшанбада имзоланди.

Ҳозирданоқ такси чақириш, автомобилни ижарага олиш, транспорт йўналишларини ифодаловчи илова ишга туширилди. Лекин ҳали қилинадиган ишлар кўп. Авиатакси хизмати бўйича аниқ режалар тузилиб, йўл ҳаритаси мукаммаллаштирилиши керак. Бу билан Жанубий Кореядаги масъул вазирликлар шуғулланяпти.

Авиатакси инсонлар хизматига киришиши учун 2025 йил келишини кутиш керак. Илк парвоз Сеулдан амалга оширилади.