Фарғона вилояти божхона бошқармаси тасарруфидаги “Риштон” чегара божхона пости барча фуқаролар ҳамда енгил автомашиналарни ҳаракатланишлари учун очилди. Мустақиллигимизнинг 28 йиллиги байрамига бу катта туҳфа бўлди.
Бу хушхабарни икки қардош халқ катта хурсандчилик билан кутиб олди. Айниқса, мазкур божхона чегара постининг очилиши Сўх тумани аҳолиси учун катта қулайликлар яратмоқда. Туман аҳолиси бир неча йиллар давомида вилоят марказига келиши учун узоқ йўл босиб, соатлаб вақт сарфлаб, “Водил” божхона чегара пости орқали қатнарди. Эндиликда эса ортиқча оворагарчиликларга барҳам берилди. Йўл қарийб 42 километрга қисқарди.
Айни пайтда “Риштон” божхона чегара постининг очилиш тадбири бошланмоқда.
Қўшничилик муносабатлари, дўстлик ришталари ҳамда ҳамкорликнинг янада мустаҳкамланиши, қўшни давлатга бориш-келишдаги тўсиқлар, ортиқча расмиятчиликлар олиб ташлангани, айниқса, асрлар давомида қўшни яшаётган, тили, дили, дини бир икки халқ аҳолисини беҳад қувонтирди.
Мазкур “Риштон ”божхона чегара пости шу кунга қадар фақатгина Риштон тумани ҳамда Қирғизистоннинг Қадамжой тумани фуқароларини пиёда ҳаракатланишлари учун очиқ эди.
Тасодифий хабарлар
Дунё бўйлаб коронавирус оқибатида вафот этганлар сони 21 минг кишидан ошди
Nanay xalqaro sayyohlik maskaniga aylanadi
Қашқадарёда 40 дан зиёд эчкиэмарни ўлдириб, терисини шилган браконьер ушланди
Халқаро Чемпионлар Кубоги – 2019 старт олди
«Доридан заҳарланиш эҳтимолини рад этиб бўлмайди, лекин аниқлаш учун вақт керак»