Ижтимоий тармоқларда кеча, 12 декабрь куни Chevrolet автомобилларини олиб кетаётган автотрейлернинг ёнаётгани акс этган видео тарқалди. Ҳолат юзасидан “UzAuto Motors” АЖ Матбуот хизмати расмий муносабат билдирди.
Қайд этилишича, воқеа Россиянинг Москва вилояти ҳудудида автомобилларни мижозга олиб ўтиш вақтида юз берган. Барча ташилган автомобиллар суғурталанган бўлиб, улар россиялик мижозга тегишли бўлган.
Дастлабки маълумотларга кўра, ёнғин Россия автомобиль ташувчисига тегишли автотрейлернинг салонида содир бўлган. Кейин ёнғин автомобиллар бўлган трейлерга ўтган. Оқибатда 8 та автомобилдан 3 таси зарар кўрган. Ҳеч ким жабрланмаган.
Хабарга кўра, ҳозирда зарурий ёнғин-техник экспертизаси ўтказилиб, ёнғиннинг келиб чиқиш сабаблари ўрганилмоқда.
Тасодифий хабарлар
2022 йилга мўлжалланган 420 ўрин стипендиялар квотасига кимлар эга чиқади?
Туркиядаги зилзилада вафот этганлар орасида ўзбекистонликлар борми? ТИВ расмий баёнот берди
Украинадаги уруш дунё бозорларини "титратиш"да давом этмоқда
ДХХ Наманганда “Калашников” автоматини сотаётган шахсни ушлади
Беморга дунёда биринчи бўлиб 3D-принтерда босилган сунъий кўз ўрнатилди