Куттиямма ноябрда бошланғич синфлар учун имтиҳондан муваффақиятли ўтди.
Ҳиндистоннинг Керала штатида яшовчи Куттиямма исмли аёл 104 ёшга кирганида ўқиш ва ёзишни ўрганди, деб ёзади The Guardian.
Нашрнинг аниқлик киритишича, Куттиямма бир умр қишлоқда яшаган ва уй-рўзғор ишлари билан машғул бўлган. У қашшоқ оилада туғилган бўлиб, узоқ вақт давомида савод чиқаришни истаган бўлса-да, шу йилнинг апрелидагина ўқишга киришди.
«У даврларда қизларнинг таълим олиши тасаввурга сиғмасди. Ҳаттоки ўғил болалар ҳам тўққиз ёшида мактабни ташларди. Ота-она ерсиз деҳқонлар бўлиб, менинг вазифам 11 нафар ака-сингилларим билан яшайдиган уйда кир ювиш, овқат қилиш ва супур-сидир ишлари бўлган», — дейди у.
Куттиямма ноябрда бошланғич синфлар учун имтиҳондан муваффақиятли ўтди.
Унинг бу интилиши ҳукумат эътиборидан четда қолмади.
«Билим олишга ёш халақит бермайди. Куттияммага чуқур ҳурматимни бажо келтираман ва таълим олаётган бошқаларга ҳам муваффақият тилайман», — деб ёзди таълим вазири ўз Twitter саҳифасида.
Тасодифий хабарлар
Миллионернинг яна бир даҳшатли жинояти фош этилди
Сайловда овоз бермаганлар жаримага тортилиши мумкин
Расман! Талабалар ойлик ижара тўловининг 50 фоизи қоплаб берилади
82-ўлим: Маданият вазирлиги 32 ёшли ходими коронавирусдан вафот этди
Шавкат Мирзиёев янги фармонга имзо чекди