Тошкент тумани ҳудудида “Катиба Тавҳид вал-Жиҳод” террористик ташкилотининг яширин жамоати аъзолари қўлга олинди. Бу ҳақда ИИББ Ахборот хизмати раҳбари Бобур Туляганов хабар бермоқда.
Маълум бўлишича, жорий йилнинг 23 ноябрь куни Ўзбекистон Республикаси ДХХ ва ИИВ томонидан Тошкент вилоятининг Тошкент туманида ўтказилган тезкор тадбир давомида “КТЖ” террористик ташкилотининг яширин жамоати аъзолари, мазкур ташкилот ғояларини тарғиб қилиш билан шуғулланиб келаётганликлари аниқланди ва улар қўлга олинди.
Улар жамоат бўлиб шаклланишлари давомида турли диний экстремистик ва террористик ташкилотларнинг ғоявий раҳнамолари ҳисобланган “Абдуллоҳ Зуфар” ва “Содиқ Самарқандий”нинг аудио ва видео маърузаларини тарқатган ҳолда сафларини кенгайтириш билан шуғулланишган.
Бундан ташқари, жамоат аъзолари Суриядаги жангариларга ёрдам бериш мақсадида моддий маблағларни тўплаб келишган ва уларнинг сафларига қўшилишни мақсад қилишган. Мазкур ҳолат юзасидан Тергов ҳаракатлари олиб борилмоқда.
Эслатиб ўтамиз, аввалроқ халқаро террористик ташкилотга алоқадорлиги учун қидирувда бўлган, 1995 й.т. “С.С.” Давлат хавфсизлик хизмати ходимлари томонидан хориждан Ўзбекистонга олиб келинганлиги ҳақида хабар берилган эди.
Тасодифий хабарлар
Фарғоналик эркак маҳалладош қизни дала майдонида ўлдириб, жасадни ёқиб юборди
+220. Республиканинг ўнта ҳудудида янги касалланиш ҳолатлари аниқланди
O‘zbekistonda ishlab chiqarilishi kutilayotgan «Volkswagen» avtomobil modellari aniqlanmoqda
Тошкентда ЙПХ автомобили дарахтга бориб урилди
Машиналарни сотиш қоидаларига ўзгартириш киритилди