Хабарингиз бор, Навоий вилоятидан ўтган Зарафшон дарёсида балиқлар заҳарланиш туфайли оммавий нобуд бўлган эди. Ўзбекистон Бош прокуратураси Матбуот хизмати ҳолат бўйича жиноят иши очилганини маълум қилди.
Қайд этилишича, ушбу ҳолат бўйича вилоят прокуратураси томонидан тегишли соҳа мутахассислари жалб қилинган ҳолда кенг қамровли текширув ўтказилган.
Текширув давомида саноат корхоналаридан Зарафшон дарёсига оқизилган чиқинди сувлар таркиби ҳамда нобуд бўлган балиқларда махсус лаборатория ва экспертиза таҳлиллари ўтказилган. Тегишли хулосалар олиниб, бошқа ҳолатлар атрофлича ўрганилган.
Маълум бўлишича, Зарафшон дарёсига азот аммоний, нитрит ва бошқа кимёвий моддалар меъёридан ортиқча миқдорда оқизилганлиги оқибатида дарёдаги кўплаб балиқлар нобуд бўлган.
Мазкур ҳолат юзасидан вилоят прокуратураси томонидан кеча, 28 октябрь куни Ўзбекистон Республикаси Жиноят кодексининг 196-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
Тасодифий хабарлар
Илҳом Алиев рафиқаси билан молхонага айлантирилган масжидни деворларини ўпди
Фаррух Омонов Президент Администрацияси шўъба мудири лавозимига тайинланди
АҚШ ва Хитой ўртасидаги эҳтимолий можаро барча учун ҳалокатли бўлади – Блинкен
Сўнгги суткада коронавирус билан касалланганлар сони сезиларли камайди
АДОЛАТ БОР ЭКАН-КУ