Кеча, 24 октябрь куни ўтказилган Ўзбекистон Президенти сайловининг дастлабки натижаларига кўра, ЎзЛиДеп номзоди Шавкат Мирзиёев 80,1 фоиз овоз билан ғалаба қозонгани ҳақида хабар берган эдик.
Сайловда “Миллий тикланиш” демократик партиясидан номзоди кўрсатилган Алишер Қодиров Президент сайловидаги иштироки натижалари бўйича брифингда Шавкат Мирзиёевни ғалаба билан табриклади.
“Бу галги Президент сайловида ЎзЛиДепдан номзод сифатида иштирок этган Шавкат Миромонович Мирзиёевни халқимизни ишончи, 80 фоиздан ортиқ овоз тўплагани билан чуқур, самимий табрикламоқчиман. Биз ушбу натижани тўлиқ эътироф этамиз.
Фурсатдан фойдаланиб ҳурматли Шавкат Миромонович Мирзиёевни халқимизни, халқаро ҳамжамиятни юксак ишончига, эътирофига эришгани билан партиядошларимиз, партиямизнинг бутун электорати номидан самимий табрикламоқчиман”, деди Қодиров.
Маълумот учун, “Миллий тикланиш” демократик партиясидан номзод Алишер Қодиров сайловда 5,5 фоиз сайловчининг қўлловига эришиб, умумий ҳисобда учинчи ўринни эгаллади. Иккинчи ўрин Халқ демократик партияси номзоди Мақсуда Ворисовага насиб қилди.
Тасодифий хабарлар
OpenAI янги AI модели GPT-5’ни тақдим этди
Истанбулда даҳшатли бўрон: қурбонлар ва жароҳатланганлар бор
Ўзекистонда 1 млрд сўмлик синтетик наркотик сақлаган “закладчик” ушланди
10 ойда қарийб 2 минг одам йўлларда вафот этган. ЙТҲларнинг асосий сабаблари нима?
O‘zbekistonda hokimlarga tadbirkorlarni homiylik va xayriya, obodonlashtirish va dala ishlariga jalb etish taqiqlandi