Тез овқатланиш ресторанлари глобал тармоғи Burger King Ўзбекистон бозорига кирмоқда. Бу ҳақда Spot бир нечта манбаларига таяниб хабар берди.
Нашр маълумотларига кўра, Ўзбекистондаги франшиза Burger King Uzbekistan бўлиб, унинг франчайзери Москва бўлади. Ҳозирда Тошкентда Burgerhouse МЧЖ компанияси рўйхатга олинган, унинг устав фонди 1 миллиард сўмга тенг. Шунингдек, ходимларни ишга олиш бошланган. Компания ушбу маълумотларни «Gazeta.uz»га ҳам тасдиқлаган ва лицензион келишув бўйича музокаралар олиб борилаётганини маълум қилган.
Компаниянинг аниқлаштиришича, Тошкентда биринчи филиал 2021 йилнинг охиригача очилиши режалаштирилмоқда, лекин пандемия бунга таъсир ўтказиши мумкин.
Қайд этилишича, рестораннинг маъмурий-бошқарув персонали (директор ва менежерлар) учун ўқув машғулотлари Москвада бўлиб ўтади. Филиаллар қаерда жойлашиши бўйича маълумот ҳозирча ёпиқ.
Burger King аллақачон Ўзбекистонда ўзининг интеллектуал мулкини ҳимоя қилган (2014 йилда), лекин 17 май куни компания яна иккита товар белгисини рўйхатга олган. Ҳозирда улар кўриб чиқилмоқда.
Burger King 1954 йилда АҚШда ташкил топган. Гамбургерларга (асосан вопперлар) ихтисослашган тез овқатланиш ресторанлари тармоқлари орасида дунёда иккинчи ўринда туради.
Тасодифий хабарлар
Путин Украина билан музокараларга тайёрлигини маълум қилди, бироқ...
Пластик картадан пул “ухлатганлик” учун жазо кучайтирилмоқда
Фарғонада тиббиёт ходими коронавирусга чалинган фарзандини яширинча даволаб ўзи ва ҳамкасбларини вирус билан зарарлади
Samarqandda «konvert» usulida maosh olgan qariyb 53 ming xodim faoliyati legallashtirildi
Ҳокимликка совға қилинган квартира лавозимидан кетган амалдорга насиб қилди