Koinotda Ozodlik haykalining «nusxasi»ni ko‘rib qolishdi

NASA «samoviy» Ozodlik haykalining fotosuratini namoyish etdi. Bu haqda agentlikning rasmiy saytidagi ma’lumotiga tayanib «Korrespondent.net» xabar qiladi.

NGC 3576 tumanlikdagi tasvir «kunning eng yaxshi fotosuratlari» sarlavhasi ostiga tushdi. Rasmda rangli kosmik tumanlik ko‘rsatilgan. Uning markazida Amerika Ozodlik haykali xuddi chaqmoq va oltinrang to‘lqinlar bilan o‘ralgandek ajralib turadi. Kompyuter yordamida shunchaki tumanliklarning murakkab naqshlari qoldirilgan holda yulduzlar tasvirdan o‘chirildi.

Shuningdek, NGC 3576 tumanligini o‘rganish, shakllanishning oxirgi bosqichlarida kamida 33 ta massiv yulduzlarni topish imkon berganligi qayd etilgan.