Келин ва унинг онасини ўлдириш учун «киллер» ёллаган опа-укалар қамоққа олинди

Сурхондарё вилоятининг Денов туманида опа-укалар келини ва унинг онасини ўлдириш учун киллер ёллашди. Бу ҳақда “Xabar.uz” сайти вилоят телеканалига таяниб хабар бермоқда.

Маълум бўлишича, опа-укалар муқаддам судланган ва жазони ўтаб чиққан фуқарони бу ишга жалб этишга ҳаракат қилишган ва “иш” битгандан сўнг 3 миллион сўм беришни ваъда қилганлар.

Аммо “киллер” ўз вақтида бу ҳақда ИИБ ходимларига маълум қилган. Натижада саҳналаштирилган “қотиллик”дан сўнг, асл айбдорлар ушланди. Ҳозирда, уларга нисбатан қамоққа олиш эҳтиёт чораси қўлланган.