Бугун, 16 февраль куни ижтимоий тармоқларда Термиз шаҳрида олти нафар эгизак: тўрт нафар қиз, икки нафар ўғил туғилганлиги ва бу Ўзбекистон учун рекорд кўрсаткич экани ҳақидаги ҳабар тарқалмоқда.
Соғлиқни сақлаш вазирлиги Матбуот хизмати ҳолатга ойдинлик киритиш мақсадида Сурхондарё вилоят cоғлиқни сақлаш бошқармаси бошлиғи Комил Абдивохидов билан боғланди.
Абдувоҳидовга кўра, бу хабар ҳақиқатга зид. Термиз шаҳри ва туманида бундай туғилиш қайд этилмаган.
“Охирги кўп фарзанд туғилиши ҳудудимизда 3 февраль куни бўлган, яъни Ангор тумани “Тўлқин” маҳалласида истиқомад қилувчи 1990 йилда туғилган Махбуба Абдумуродова шу куни уч фарзандини кесарча кесиш йўли орқали дунёга келтирган”, деган Абдивохидов.
Махбуба Абдумуродованинг биринчи фарзанди қиз (вазни 2950 грамм, бўйи 49 см), иккинчиси ўғил (вазни 2900 грамм, бўйи 47 см) ва учинчиси ҳам ўғил (2200 грамм бўйи 46 см). Ҳозирда уларнинг аҳволи қониқарли.
Тасодифий хабарлар
Ўзбекистонда яна карантин қоидалари кучайтирилиши мумкинми?
Дунёнинг энг қиммат брендлари эълон қилинди
Наманган вилоят СЭОМ мансабдорлари бюджет маблағларини талон-торож қилгани аниқланди
Президент Хотира ва қадрлаш кунини ўтказиш тўғрисида қарор имзолади
Жамоат жойида шилқимлик қилганлар қамалиши мумкин