Жорий йилнинг 29 январь куни 12:10 ларда Янгийўл шаҳрида яшовчи 2013 йилда туғилган, 1 синф ўқувчиси С.А. дарсини тугатиб мактабдан чиққан вақтида, унинг ёнига номаълум шахс келган ва у билан суҳбатлашган. Унга ширинлик олиб беришини айтиб, қўлидаги мактаб сумкасини олиб биргаликда бозор томонга ҳаракатланган. Бу ҳақда Тошкент вилояти ИИББ Матбуот хизмати хабар берди.
Улар бироз йўл юргандан кейин қизалоқ у билан кетмаслигини айтиб, хархаша қилиб йиғлай бошлаган. Шундан сўнг у қизга мактаб сумкасини қайтариб берган ва ўзи йўлда давом этган. Ушбу ҳолат ижтимоий тармоқларда тарқатилган видео хабарларда ҳам акс этган.
Ҳолат юзасидан келиб тушган хабарга асосан шаҳар ИИБ томонидан тегишли ҳужжатлар расмийлаштирилиб, суруштирув ишлари бошланган.
Суруштирув давомида қизнинг ота-онаси видео тасвирда акс этган шахсни танимаслигини маълум қилган.
Ҳозирда ушбу шахснинг кимлигини аниқлаш ва ҳолатга ҳуқуқий баҳо бериш юзасидан шаҳар ИИБ ходимлари томонидан суруштирув ишлари давом эттирилмоқда.
Тасодифий хабарлар
Ўқ ўтказмайдиган iPhone тақдим этилди
Хивада Малайзия компанияси томонидан юқори тезликдаги интернет жорий қилинади
Тошкентда «Жиҳодчилар»нинг навбатдаги гуруҳи ИИВ ва ДХХ томонидан ушланди
Туркиядаги зилзила литосфера плиталарини силжитиб юборгани маълум бўлди
Шарманда! Сирдарёда ЙПХ ходими ҳайдовчининг ичган-ичмаганини стаканда текширмоқчи бўлди