Қашқадарёда ЙПХ ходимининг қонуний талабларига бўйсунмасдан унга қаршилик кўрсатиб, автомобилида воқеа жойидан кетиб қолган ҳайдовчи 8 суткага қамалди, деб хабар беради ИИВ ЙҲХББ ахборот хизмати.
Маълум қилинишича, 25 январь куни белгиланган тақсимот асосида Шаҳрисабз тумани Чоршанбе қўрғонида хизмат олиб борган ЙПХ ходимлари Б.Хўжақулов ва Х.Йўлдошев томонидан соат 12:10 ларда ушбу ҳудудда жойлашган тиббиёт бирлашмаси биноси рўпарасида давлат рақам белгиси бўлмаган Cobalt русумли автомобиль тўхтатилган.
ЙПХ ходими меъёрий ҳужжатларини сўраган вақтида ҳайдовчи ҳужжатлари йўқлигини маълум қилган. Ходимлар белгиланган тартибда чора кўриши зарурлигини айтганида ҳайдовчи уларга қаршилик кўрсатган ва ўзаро тортишув сабаб атрофда фуқаролар тўпланишига сабаб бўлган.
«Ҳайдовчи қаршилик кўрсатишда давом этиб, автомобилда воқеа жойидан кетиб қолган», — дейилади хабарда. ЙПХ ходими белгиланган тартибга кўра, ЙҲХБ бошлиғи номига билдирги орқали мурожаат қилган. Билдирги асосида суриштирув ишлари олиб борилиб, ҳайдовчи аниқланган ва унга нисбатан тўпланган ҳужжатлар кўриб чиқишли учун Жиноят ишлари бўйича Шаҳрисабз туман судига юборилган.
Суд томонидан ҳайдовчи О.Х. Маъмурий жавобгарлик тўғрисидаги кодекснинг 194-моддаси (ички ишлар органлари ходимининг қонуний талабларини бажармаслик) 1-қисми ва 195-моддасида (ички ишлар органлари ходимларининг ўз хизмат бурчларини бажаришларига қаршилик кўрсатиш) кўрсатилган ҳуқуқбузарликларни содир этган дея топилиб, унга 8 сутка маъмурий қамоқ жазоси тайинланган.
Тасодифий хабарлар
Ўзбекистонда қимматбаҳо автомобиллар импорти учун имтиёзлар бекор қилинади
Депутат Дониёр Ғаниев табиий газ билан таъминланмаган ҳудудларда “свет” учун белгиланган ижтимоий нормани оширишни сўради
15 ёшли қиз билан жинсий алоқага кирган 3 эркак муддатидан олдин озод қилинди
Видео: Ижтимоий тармоқ фойдаланувчилари йўл қоидасини бузган актрисани танқид қилди
Биринчи Президентнинг узоқ йиллик ҳамкори ва унинг икки ўринбосари давлат тўнтаришида айбланяпти