Икки вазн тоифасида собиқ UFC чемпиони, ирландиялик Конор Макгрегор россиялик жангчи Ҳабиб Нурмуҳамедовни яна бир жанг ўтказишга таклиф қилди. Бу ҳақда у Абу-Дабида бўлиб ўтган UFC 257 турниридан кейинги матбуот анжуманида айтиб ўтди.
Турнирдан кейин ўтказилган матбуот анжуманида Конор Ҳабибнинг Twitter’да қолдирган твитига муносабат билдирди, унда Нурмуҳамедов Макгрегорнинг спарринг шериклари ўзгариши сабабли Пуарье билан дуэлда ютқазганини айтиб, ирландиялик спортчининг жамоасини “ёш болалар” деб атаганди. Макгрегорнинг сўзларига кўра, у чемпион бўлган жамоасини ўзгартирмаган, шунингдек, Ҳабибни ундан яширинган, деб тахмин қилган ва Ҳабибни иккинчи жангга ундаган.
Бундан ташқари, жанг тугаганидан сўнг, Макгрегор дарҳол карьерасини якунламоқчи эмаслигини маълум қилди. Унга кўра, у 2021 йилни фаол ўтказишни режалаштирмоқда.
Макгрегор ва россиялик жангчи Ҳабиб Нурмуҳамедов ўртасидаги жанг 2018 йилнинг кузида бўлиб ўтганди. Ўшанда Нурмуҳамедов Макгрегор устидан ғалаба қозонган.
Тасодифий хабарлар
Мутахассислар 2023 йилнинг ёзи ўта иссиқ келишидан огоҳлантирмоқда
Superliga. Bugun “Lokomotiv” Jizzaxda mehmon boʻladi, “Paxtakor” esa “Qoʻqon-1912”ni qabul qiladi
Путин МДҲ мамлакатлари махсус хизматлари раҳбарлари билан учрашув ўтказади
Ерга метеорит ёмғири ёғиши мумкин – тадқиқот
Россия Марказий Осиё мигрантларини урушга сафарбар қиляпти