Янги метро вагони томидан сув сизиб чиқди. «Тошкент метрополитени» бунга қандай изоҳ берди?

Ижтимоий тармоқларда янги метро вагони томидан сув томчилари сизиб чиқаётгани акс этган видео тарқалди.

«Тошкент метрополитени»нинг ушбу ҳодиса бўйича маълум қилишича, ҳолат вагон ичидаги иқлим тизимининг дренаж тешиги тиқилиб қолганлигидан ҳосил бўлган. 

«Видеоларда намойиш этилганидек, вагон салонига томдан сизиб кирган сув томчилари бу ёмғир суви эмас, балки кондиционер тизимининг конденсатидир», - дейилади маълумотда. 

Таъкидланишича, айни пайтда ушбу муаммо бартараф этилган. Келиб чиққан ноқулайликлар учун узр сўралган.