Hindistonlik 101 yoshli Atar Bibi eng yoshi ulug‘ haj ziyoratchisiga aylandi

2019-07-25 22:16 1 141

Hindistonlik 101 yoshli Atar Bibi Husayn Baamar haj ziyoratini amalga oshirgan eng yoshi ulug‘ ziyoratchiga aylandi. Bu haqda Saudiya Arabistonining Saudi Gazette nashri xabar bermoqda.

O‘g‘li va qizi hamrohlik qilmoqda

Panjoblik ziyoratchiga 60 yoshli o‘g‘li va qizi hamrohlik qilmoqda. Manbaning hindistonlik rasmiylarga tayanib yozishicha, ayni paytda ziyoratchining sog‘lig‘i muntazam nazoratda va bu bilan bog‘liq hech qanday muammo kuzatilmayapti.

Rasmiylar tomonidan kutib olindi

Shuningdek, xabar berilishicha, Madina shahridagi “Shahzoda Muhammad Bin Abdulaziz” xalqaro aeroportiga kelib qo‘ngan Bibi Husayn Hindistonning Saudiya Arabistonidagi rasmiylari va Saudiya Arabistonining Haj konsuli va tavof muassasasi xodimlari tomonidan kutib olingan.

2019-07-25 22:16 1 141