COVID-19 пандемияси ҳар соатда 226 инсоннинг умрига зомин бўлмоқда. Бу шуни англатадики, коронавирус ҳар 16 сонияда дунёнинг қаеридадир бир беморнинг жонини олмоқда. Сентябрь ойидаги касалланишлар бўйича ўз таҳлилини тайёрлаган «Reuters» агентлиги бугун, 29 сентябрь куни ушбу маълумотларни тақдим этди.
«Дунёмиз энг юқори азоб нуқтасига етиб келди. Нақадар улкан рақамлар. Аммо ҳар бири алоҳида ҳаёт эди — кимнингдир отаси ё онаси, турмуш ўртоғи, ака-укаси, опа-синглиси, ҳамкасби эди», — деди БМТ Бош котиби Антониу Гутерриш.
Жаҳонда ҳар 24 соатда 5400 киши хавфли инфекциялар қурбонига айланади. Бу йил коронавирус оқибатида ўлимлар сони безгак оқибатида вафот этганлар сонидан ўртача ҳисоблаганда икки бараварга ошиб кетди.
Атиги уч ой ичида COVID-19 оқибатида ўлимлар сони ярим миллиондан икки бараварга ошди ва тинмай ўсмоқда.
ЖССТ вакили Майк Райан коронавирусдан ўлганлар сони камайтириб кўрсатилаётгани ҳақида ўз фикрини билдирганди. Унинг гумонича, касалланишлар ва ўлимлар статистикаси аслидагидан паст кўрсатилмоқда.
Тасодифий хабарлар
Андижондаги боғчада болаларни калтаклаган тарбиячи ишдан олинди
Билл Гейтс ўз башорати билан ўртоқлашди
Мигрантлар билиши керак бўлган муҳим 5 қоида
"Ласетти" уриб юборган лейтенантни тасвирга олган "оператор"га чора кўрилади
"Темир дафтар"га кирадиган 7 тоифа