Oliy va örta maxsus taʼlim vazirligining xabariga köra, 2020/2021 öquv yili uçun respublika oliy taʼlim muassasalariga öqişini köçiriş (tiklaş) istagini bildirgan fuqarolardan arizalar (hujjatlar) onlayn qabul qilinmoqda.
Qabul qilingan aksariyat hujjatlar quyidagi sabablarga köra qayta röyxatdan ötiş uçun qaytarilmoqda:
- pasport nusxasi (doimiy yaşaş manziliga röyxatga qöyilgan beti bilan birga) töliq yoki sifatli yuklanmagan (zero öqişni köçiriş töğrisidagi murojaatlarni körib çiqişda talabaning doimiy yaşaş manzili asoslovçi sabablardan biridir);
- OTMda öqiyotganlik (öqiganlik) töğrisidagi belgilangan şakldagi hujjat (akademik maʼlumotnoma yoki reyting daftarçasi yoki transkript) nusxasi töliq yoki sifatli yuklanmagan;
- öqigan (öqiyotgan) OTM yoki taʼlim yönalişi nomi töliq kiritilmagan;
- mavjud bölmagan OTM yoki taʼlim şakli yoki taʼlim yönalişiga köçiriş böyiça röyxatdan ötilgan.
Öqişini köçiriş (tiklaş) böyiça röyxatdan ötayotgan fuqarolarga yuqoridagi holatlarni inobatga olişlari söraladi.
Öqişini köçiriş (tiklaş) böyiça röyxatdan ötgan ammo arizalari dastur orqali rad etilgan fuqarolardan qayd etilgan kamçiliklarni qisqa muddatda bartaraf etgan holda qayta röyxatdan ötişlari söraladi.
Şu bilan birga, röyxatdan ötgan fuqarolardan özlarining şaxsiy kabinetlariga kirib (röyxatdan ötişdagi login va parol orqali) arizalarining körib çiqiliş holatlarini doimiy kuzatib borişlari söraladi.
Eslatib ötiladi: öqişni köçiriş (tiklaş) böyiça röyxatdan ötişning söngi kuni 2020 yil 5 avgust.









