Коронавирус қулоқдан ҳам юқиши мумкинлиги аниқланди

Жон Хопкинс тиббиёт мактабининг мутахассислари COVID-19 вируси нафақат бурун ва томоққа, балки қулоқ ва бош суягининг мастоид қисмига ҳам юқиши мумкинлигини аниқладилар.

Тегишли тадқиқот Америка тиббиёт уюшмасининг JAMA Otolaryngology – Head and Neck Surgery журналида чоп этилган.

Олимлар коронавирусдан вафот этган учта беморни – 60 ёшли эркак ва аёл ҳамда 80 ёшли аёлни таҳлил қилишган. Аёллардан бирида вирус ўнг қулоқда, эркакда – иккала қулоқда, чап ва ўнг мастоидларида аниқланди.

Тадқиқот учун атиги учта беморни ўрганиш жуда оз бўлишига қарамай, натижалар шуни кўрсатадики, қулоқдаги муаммолар, шу жумладан эшитиш қобилиятининг йўқолиши COVID-19 белгиси бўлиши мумкин, дейилади журналда.