Фарғона вилоятининг Марғилон шаҳрида 19 нафар Damas`чи қамоққа олинди. Бу ҳақда Ўзбекистон Республикаси ИИВ ЙҲХББ ахборот хизмати хабар бермоқда.
Маълумотга кўра, Марғилон шаҳар марказидаги Б.Марғилоний кўчасида жойлашган савдо мажмуаси рўпарасида Марғилон - Фарғона шаҳарлари ҳамда Қиргули мавзеси йўналишларида киракашлик билан шуғулланувчи Damas русумли автомашина ҳайдовчилари ушбу кўчадаги пиёдалар ўтиш йўлакчаси олдига ҳамда йўлнинг қатнов қисмига бетартиб туриб олиб, пиёдалар ва ҳайдовчиларнинг ҳаракатига халал берган. Шу сабабли, вилоят ИИБ ЙҲХБ ходимлари мазкур тартибсизликни бартараф қилиш мақсадида етиб келишган.
Аммо Damas ҳайдовчилари ЙПХ ходимларининг қонуний талабларига бўйсунмасдан, фуқаролар осойишталигини бузувчи хатти-ҳаракатлар содир этишган.
Ички ишлар органлари ходимларининг қонуний талабларига бўйсунмаган жами 19 нафар Damas ҳайдовчисига нисбатан Ўзбекистон Республикаси МЖтКнинг 183, 194 ва 195-моддалари билан тегишли ҳужжатлар расмийлаштирилиб, Марғилон шаҳар Маъмурий ишлар бўйича судининг қарори билан 6 нафарига 15 сутка, 8 нафарига 10 сутка, 5 нафарига 5 суткалик маъмурий қамоқ жазоси қўлланилди.
Суннатилла Абдуллаев
Тасодифий хабарлар
Аҳолининг айрим тоифаларига 800 минг сўмдан пул тарқатилади
Ўзбекистонда 2021 йил 20 та халқаро мусобақа ўтказилади
Расмий хабар: ЙПХ ходими хизмат машинасида пиёдани босиб кетди
Наманганда яна бир бемор коронавирусдан вафот этди. Жами ўлимлар сони 7тага етди
Huawei Ўртачирчиқдаги мактабга хитой тилини ўрганиш учун ажратилган синфхоналарни янгилашда ёрдам берди