Машҳур актёр, каскадёр Жеки Чан кимки коронавирусга қарши дори ўйлаб топса, унга миллион юань (143 минг доллар атрофида) беришини маълум қилди. Бу ҳақда “Бизнес Online” хабар бермоқда.
Актёр бу ҳақда Weibo ижтимоий тармоғидаги ўз саҳифасида маълум қилган.
“Бу нарса қўлимдан келар экан эпидемияга қарши курашишда ёрдам беравераман. Мамлакатда хаос бўлишини истамайман. Мен ҳамма нарсага тайёрман. Эпидемияни енгиб ўтиш, илм-фанни қўллаб-қувватлаш билан боғлиқ. Ўйлашимча, худди мен сингари, барча шундай фикрда. Бемор ватандошлар ҳаётини сақлаб қолиш учун имкон қадар тезроқ махсус дори-дармонларни ишлаб чиқамиз, деган умиддаман”, дейди Чан.
У ҳозирда ниқоб ва ҳимоя кийимларини оммага тарқатиш билан бандлигини тан олди. Шу билан бирга Чан ушбу материалларни Хитойга етказиб берувчи янги ҳамкорларни қидирмоқда.
“Илтимос, мени тўғри тушунинг. Таклиф қилган суммам катта пул эмас. Лекин мен гуллаб-яшнаши лозим бўлган кўчалар ўрнига файзсиз ва кимсасиз кўчаларни кўришни истамайман. Мен Хитой фуқаролари қатъият билан олға юришларини истайман!”, деб таъкидлаган Жеки Чан.
Сарвар Анвар ўғли
Тасодифий хабарлар
ЖССТ раҳбари коронавирусга қарши вакцина ишлаб чиқиш жараёни жадаллашганини маълум қилди
Бир бемор 522 марта тез ёрдам чақиргани маълум қилинди
Видео: Қирғизистонда коронавирусдан соғайган дастлабки уч беморнинг барчаси ўзбеклар экани маълум бўлди
Наманган ва Тошкентда беморларнинг навбатдаги гуруҳи соғайди. Ўзбекистонда коронавирусдан тузалганлар сони 344 нафарга етди
Сурхондарёда Damas'да 12 та йўловчи олиб кетаётган ҳайдовчи жаримага тортилди