Туркиялик 21 ёшли модель Дилхан Диврикли Таиландда ўтказилган Mister Global 2026 халқаро гўзаллик танловида ғолиб бўлди. Бу ҳақда “Türkiye Today” нашри хабар берди.
Қайд этилишича, танловнинг финал босқичи жорий йилнинг 10 октябрь куни Бангкок яқинидаги Нонтхабури шаҳрида бўлиб ўтган. Унда дунёнинг турли мамлакатларидан бўлган иштирокчилар нуфузли унвон учун беллашган.
Финал олдидан танлов қатнашчилари қарийб 10 кун давомида махсус оромгоҳда бўлиб, тақдимотлар, фотосессиялар ва турли синовларда қатнашган. Якунда ҳакамлар ҳайъати Дилхан Дивриклини ғолиб деб топган. Нигериялик Бетел Мбамара иккинчи, филиппинлик МЖ Ордильяно эса учинчи ўринни эгаллаган.
Маълум қилинишича, Диврикли Брюсселда яшайди, унинг оиласи эса Туркиянинг Афёнкарахисар вилоятидан. У тўрт тилни билади ва аввал ҳам гўзаллик танловларида қатнашган. Модель бундан олдин Туркияда ўтказилган Top Model of Türkiye танловида ғолиб бўлган.
Моделликдан ташқари, Диврикли кино санъатига ҳам қизиқади ва келажакда актёрлик фаолиятини йўлга қўйишни мақсад қилган.
Маълумот учун, Mister Global халқаро эркаклар гўзаллик танлови 2014 йилдан бери ўтказиб келинади.
Тасодифий хабарлар
Давлат солиқ қўмитаси ҳузуридаги малака ошириш маркази ходимида коронавируc аниқланган
ДХХ Ургутда ноқонуний ер сотиш ҳолатига чек қўйди
ОДАМ САВДОСИ – УМУМЖАХОН МУАММОСИ
Андижон шаҳри ҳокими ишдан кетди. Шаҳарга вақтинчалик ҳоким тайинланди
Ногиронлиги бўлган шахсларни ишга қабул қилганларга субсидия берилади