Франциянинг “France Football” журнали томонидан 2025-2026 йилги мавсумнинг дунёдаги энг яхши футболчисига бериладиган “Олтин тўп” мукофотига номзодлар жорий йилнинг 8 сентябрь куни эълон қилинади. Бу ҳақда мукофот ташкилотчилари хабар берди.
Тақдирлаш маросими эса жорий йилнинг 26 октябрь куни Лондонда бўлиб ўтади. Ўтган йили ушбу мукофот “Париж Сен-Жермен” жамоаси ва Франция терма жамоаси ҳужумчиси Усмон Дембелега насиб этган эди. “Олтин тўп”ни энг кўп марта қўлга киритган футболчи эса аргентиналик Лионель Месси ҳисобланади – 8 марта.
Маълумот учун, “Олтин тўп” мукофотини “France Football” журнали собиқ бош муҳаррири Габриэль Ано таъсис этган. Мукофот илк бор 1956 йилда “Блэкпул” ҳужумчиси Стэнли Мэттьюзга топширилган. Ўша вақтда ғолибни футбол журналистлари аниқлаган.
Дастлаб мукофотга фақат европалик футболчилар номзод бўлиши мумкин эди. 1995 йилдан бошлаб эса Европа клубларида тўп тепаётган ҳар қандай миллат вакили номзод бўлиш ҳуқуқига эга бўлди. 2007 йилдан эътиборан эса дунёнинг исталган мамлакати футболчиси “Олтин тўп” учун даъвогар бўлиши мумкин.
Тасодифий хабарлар
Жаҳон лидерлари Шавкат Мирзиёевга табрик йўллади
Андижон ҳокимининг ўринбосари 50 минг доллар пора билан қўлга тушди
Шавкат Мирзиёев “номига” сайёр қабул ўтказиб юрган ҳокимларни танқид қилди
Дам олиш кунларида яна кучли иссиқ бўладими?
Вакцина олган студент вафот этди