Россия Президенти Владимир Путин мамлакат Ҳарбий-денгиз флоти (VMF)ни 2050 йилгача ривожлантириш стратегиясини расман тасдиқлади. Бу ҳақда Президент ёрдамчиси ва Россия Денгиз коллегияси раҳбари Николай Патрушев “Аргументы и факти” газетасига берган интервьюсида маълум қилди.
Патрушевнинг сўзларига кўра, стратегияни ишлаб чиқиш қарори 2024 йилнинг июль ойида қабул қилинган. Президент топшириғига биноан дастлабки ҳужжат Мудофаа вазирлиги томонидан тайёрланган, сўнг федерал идоралар ҳамда ташкилотлар таклифларини инобатга олган ҳолда Денгиз коллегияси томонидан такомиллаштирилган. Якуний таҳрир жорий йилнинг 30 май куни Путинга тақдим этилиб, у томонидан тасдиқланган.
Стратегияда глобал ҳарбий-сиёсий вазият таҳлили, қуролли тўқнашувлар юзага келиш эҳтимоли ва уларнинг характери, етакчи денгиз давлатларининг ҳарбий салоҳияти кўриб чиқилган. Ҳужжатда шунингдек, Россия Ҳарбий-денгиз флоти ҳозирги ҳолати баҳоланган.
“Тафсилотларга кирмаган ҳолда айтишим мумкинки, бу каби стратегик режалаштириш ҳужжати Россия замонавий тарихида биринчи марта қабул қилинмоқда. Россия дунёнинг энг йирик денгиз давлатларидан бири сифатидаги мавқеини аста-секин тикламоқда”, дейилади хабарда.
Тасодифий хабарлар
(+21) Наманганда аҳоли орасида коронавирус аниқланди
Вазирлар Маҳкамаси тузилмасида тайинлов амалга оширилди
Россияда хитойликларга ҳужум қилган олти ўзбекистонлик қамалди
Кўп қаватли уйда портлаш содир бўлди
Макгрегор дунёга кимлигини кўрсатиб қўймоқчи