Telegram даромадлари очиқланди

Telegram платформасининг 2023 йилда олиб келган даромад ва йўқотишлари ҳақида маълумотлар тарқалди. 

Zamon.uz "Financial Times" нашрига таяниб ёзишича, мессенжер 2023 йилда $342 млн (4,3 трлн сўм) даромад олиб, $108 млн (1,3 трлн сўм) йўқотишларга учраган.

Экспертларнинг фикрича, компания асосчиси Павел Дуровнинг Францияда бўлиб ўтган суд жараёни Telegram облигацияларининг яқин икки йил ичида биржага чиқиш режаларига таҳдид солмоқда.

Аввалроқ Дуров инвесторлар унинг компаниясини 30 млрд долларга баҳолаганини ва у IPOга чиқиш имкониятларини кўриб чиқаётганини айтганди.