Янги ҳафта ҳарорат кўтариладими?

Ўзбекистонда кейинги ҳафта, бир оз кечикиш билан бўлса ҳам, баҳор ўз таъсирини ўтказади ва ҳаво ҳарорати тез кўтарила бошлайди, деб хабар бермоқда “Ўзгидромет”.

Қайд этилишича, 1—3 март кунлари республиканинг кўплаб вилоятларида асосан булутли об-ҳаво бўлиши кутилмоқда, вақти-вақти билан ёғингарчилик (ёмғир, қор) бўлади, фақат Қорақалпоғистон Республикаси ва Хоразм вилоятида ёғингарчилик кутилмайди.

1 март куни кундузи ҳаво ҳарорати 2-7 даража илиқ, республика жанубида эса ғайриоддий бўлса ҳам 3 даража совуқ — 2 даража илиқдан паст бўлади. Республика ҳудуди бўйича дам олиши кунлари ҳарорат асосан кечалари 3 даража совуқ — 2 даража илиқ, кундуз кунлари 0-5 даража илиқ бўлади.

Шамол шарқдан 7-12 метр/секунд тезликда эсади, 1—2 март кунлари 15-18 метр/секундгача кучайиши мумкин. Республика бўйича баъзи жойларга туман тушади. Тоғли ҳудудларда вақти-вақти билан қор ёғади. Қор кўчиши хавфи бор.

Тошкентда 1 март куни кечга томон бир оз ёғингарчилик бўлади, 2—3 март кунлари вақти-вақти билан ёғингарчилик (ёмғир, қор) бўлади. Ҳарорат кечалари 1 даража совуқ — 1 даража илиқ, кундуз куни 1 мартда 4-6 даража илиқ, 2—3 мартда 1-4 даража илиқ бўлади. Кечаси ва эрталаб туман тушиши мумкин.

Хабарда таъкидланишича, март ойининг дастлабки кунларида ҳарорат фони баҳорнинг бошланиши учун бўлган меъёрий қийматлардан 4-6 даражага паст бўлади. Бу эса ўтган йилга нисбатан деярли пастдир. Бунда март ойида ҳаво ҳарорати 20-25 даражагача илиқ бўлади.