Германия Польшада Украина урушида шикастланган Leopard танкларини таъмирлаш қўшма марказини ташкил этишда иштирок этишдан бош тортди. Бу ҳақда Германиянинг “Handelsblatt” нашри хабар берди.
Қайд этилишича, Германия ва Польша ушбу лойиҳа устида келиша олмаган. Аниқроғи, Германия унда иштирок этишни хоҳламаган.
"Яқин кунларда расман эълон қилинадиган қарорнинг сабаби, Германия нуқтаи назаридан, Польша томонининг нархлар бўйича мутлақо ошириб юборилган умидларидир", дейилади Германия томони берган баёнотда.
Маълумот учун, Польшада Украинада ишдан чиққан Leopard танкларини таъмирловчи марказни ишга туширишни Германиянинг ўзи жорий йилнинг 21 апрелида таклиф қилганди. Бунинг учун сарфланадиган харажатлар Германия ҳукумати томонидан қопланиши кўзда тутилганди. Бироқ жараённи Варшаванинг ўзи секинлаштиргани айтилмоқда. Гап шундаки, Польшанинг PGZ компанияси асбоб-ускуналарни бирламчи текшириш учун Германиядан 100 минг ундирмоқчи бўлган. Германияда эса бу хизмат 12 минг евро туриши таъкидланган.
Эслатиб ўтамиз, аввалроқ Оқ уй Украинага ATACMS ракеталарини етказиб беришга иккиланаётгани хабар қилинганди.
Тасодифий хабарлар
ОАВ: АҚШ Украинага Abrams танкларини жўнатишни маъқуллади
Наманганда аҳолини 2022 йилга қадар жамоат транспорти билан тўлиқ қамраб олиш режалаштирилмоқда
2021 йилда порахўрлик 3 баробарга ортиб, моддий зарар 1,3 трлн сўмга етган. Наманган вилоятида ҳам энг ёмон кўрсаткич қайд этилган.
Ўзбекистонда кучайтирилган карантин қачондан жорий қилинади? Расман жавоб берилди
Ўзбекистоннинг коронавирусга қарши кураш учун олган қарзи 1 млрд доллардан ошди