Сингапурда янги турдаги орхидеяга "Шавкат Мирзиёев орхидеяси" номи берилди

Сингапурда янги турдаги орхидеяга "Шавкат Мирзиёев орхидеяси" номи берилди

Ушбу кўркам ва ёйилиб ўсувчи гул Encbi Purple ва Kila Blue орхидеяларининг гибриди ҳисобланади.



Ўзбекистон-Сингапур саммитидан аввал Сингапур президентининг “Истана” саройида давлат раҳбарини расмий кутиб олиш маросими бўлди.

Анъанага кўра, президент Шавкат Мирзиёев гулнинг ёнига янги турдаги орхидеянинг номи — "Шавкат Мирзиёев орхидеяси" деб ёзилган тахтачани жойлаштирди. Бундай тадбирлар анъанавий равишда ушбу мамлакатнинг олий мартабали меҳмонлари ва таниқли арбобларга юксак ҳурмат ва эҳтиром белгиси сифатида ўтказилади.

Ушбу кўркам ва ёйилиб ўсувчи гул Encbi Purple ва Kila Blue орхидеяларининг гибриди ҳисобланади. Узунлиги 45 сантиметр бўлган қат-қат япроқли қўшгуллар, уларнинг ҳар бирида 17 тадан 20 тагача гул ҳосил қилади, ҳар бир гулнинг эни 5 сантиметр атрофида. Оч сиёҳранг барглар ва косачабаргларнинг чети майин бинафшаранг.

Қолаверса, Шавкат Мирзиёев Сингапур Президенти Ҳалима Яқубни ўзига қулай бўлган вақтда Ўзбекистонга ташриф билан келишга таклиф этди.

×