Маҳаллий аҳоли орасида «Андижон турмаси» дея аталадиган вилоят ИИБ 3-сон тергов ҳибсхонасида сақланаётган маҳкум вафот этди. «Xabar.uz» сўровига жавобан айни маълумотни Бош прокуратура матбуот хизмати тасдиқлади.
Маълум бўлишича, маҳкум 31 ёшли шаҳрихонлик С.Т. бўлиб, унга нисбатан ўтган йилнинг январь ойида ўғрилик жинояти учун суд ҳукми билан озодликдан маҳрум қилиш жазоси тайинланган. Қаршидаги жазони ижро этиш муассасасида маълум муддат «ўтиргач», қолган қисми ахлоқ тузатиш ишлари жазосига алмаштирилиши натижасида С. Т. озодликка чиқарилади.
Бироқ С.Т. ахлоқ тузатиш ишлари жазосини белгиланган тартибда ўташдан бўйин товлагани сабаб, суд ҳукмига асосан яна озодликдан маҳрум қилиш жазосига алмаштирилиб, жорий йилнинг 19 март куни у Андижон вилояти ИИБ 3-сон тергов ҳибсхонасига жойлаштирилади.
Орадан тўрт кун ўтиб, яъни 2022 йилнинг 21 март куни юқорида қайд этилган тергов ҳисбхонасида С.Т. вафот этади.
Маҳкум олган тан жароҳатлари оқибатида вафот этгани эътиборидан айни пайтда Ўзбекистон Республикаси Жиноят кодексининг 104-моддаси 3-қисми «д» банди (жабрланувчининг ўлимига сабаб бўладиган даражада қасддан банданга оғир шикаст етказиш) билан жиноят иши қўзғатилган.
Тергов ҳаракатлари Андижон шаҳар прокуратураси томонидан олиб борилмоқда.
Тасодифий хабарлар
ИИВ орқа ён ойналарга парда тутилишини тақиқламоқчи
Наманганда 16 ёшли бола машина олиб қочиб, ЙТҲ га учради
Ўзбекистонда хизмат кўрсатган артист Ғайбулла Ҳожиев оламдан ўтди
Маймун чечаги: Тез юқмайдиган ва ўлим кўрсаткичи паст касаллик нега дунёни хавотирга солмоқда?
Умра сафарига кетган икки нафар ўзбекистонлик Саудиядан депорт қилинди