Филиппин президенти Родриго Дутерте фуқароларга пора талаб қиладиган амалдорларни ўққа тутишга рухсат берди. Шу билан бирга уларни ўлдириб қўймасликни сўради.
РИА Новостининг ёзишича, бу ҳақда мамлакатнинг Manila Bulletin газетаси хабар тарқатган.
Дутерте кейинчалик қамоққа тушмаслик учун порахўрларнинг оёғига қарата ўқ узишни таклиф қилган.
“Агар сиз солиқ, йиғим, божхона тўловлари ва ҳоказоларни тўлаб борсангиз, бу аҳмоқлар эса пора талаб қилса, уларга мушт туширинг. Қуролингиз бўлса, уларни отишингиз мумкин, лекин ўлдириб қўйманг. Чунки суд жараёнида афв қилинмаслигингиз мумкин”, - дея маълум қилган Филиппин етакчиси.
Дутерте қонунни бузган амалдорни отган ҳар қандай кишига нисбатан фақат жиддий жисмоний жазо қўлланишини айтган.
Президентнинг фикрига кўра, коррупция мамлакатда кенг тарқалган муаммога айланган. “Бу ҳукуматдаги деярли ҳар бир кишининг ичида ўтирган қурт”, - деган ўз чиқишида.
Президент фуқароларни ўз ҳуқуқларини ҳимоя қилишга ва амалдорлар иштирокидаги ҳар қандай коррупция ёки қонунбузарликни хабар қилишга чақирган.
Тасодифий хабарлар
Наманган халқаро аэропортидан Россиянинг икки шаҳрига авиапарвозлар йўлга қўйилмоқда
Мактаб таъмири учун ота-оналар пул тўламайди - ХТВ
Самарқандда «автомойка» ходими мижознинг машинасини олиб қочди
Коронавирус бўйича ҳақиқий ҳолатни яшириш жиноий жавобгарликка асос бўлади
“Omicron” учун янги вакцина ишлаб чиқарилади