Икки давлат ҳамкорликнинг долзарб масалаларини муҳокама қилди.
Ўзбекистон Республикаси Президенти Шавкат Мирзиёев 3 март куни Қозоғистон Республикаси Президенти Қосим-Жўмарт Тўқаев билан телефон орқали мулоқот қилди.
Ўзбекистон — Қозоғистон дўстлик, стратегик шериклик ва иттифоқчилик муносабатларини янада мустаҳкамлаш, ўзаро манфаатли амалий ҳамкорликни кенгайтиришнинг долзарб масалалари муҳокама қилинди.
Икки мамлакат етакчи корхоналарининг, энг аввало, савдо, энергетика, машинасозлик, кимё, қурилиш, тармоқлари, транспорт ва логистика соҳаларида кооперация лойиҳаларини амалга оширишга алоҳида эътибор қаратилди.
Шу муносабат билан олий даражадаги келишувларга мувофиқ қўшма иқтисодий лойиҳалар ва маданий-гуманитар дастурларни илгари суриш борасида ҳукуматлар даражасида мунтазам ва самарали мулоқотлар олиб борилаётгани ижобий баҳоланди.
Ўзбекистон ва Қозоғистон етакчилари халқаро кун тартиби ва минтақавий ҳамкорликнинг муҳим жиҳатлари юзасидан ҳам фикр алмашдилар.
Телефон орқали мулоқот ҳар доимгидек дўстона ва ишонч руҳида ўтди.
Тасодифий хабарлар
Наманганда 47 ёшли эркак ошхона ертўласида қиморхона ташкил қилди — фото
Расман: Ўзбекистондаги ОТМлар анъанавий таълимни февраль ойидан бошлайди
«Қўрқинчли ва ғайритабиий»: Қаршида камёб ҳодиса кузатилди (фото)
Ерга хавфли астероид яқинлашяпти
Таниқли бастакор Султонали Раҳматов вафот этди