Аввалроқ, Европа Иттифоқи USM холдинг асосчиси, россиялик тадбиркор Алишер Усмоновга нисбатан санкциялар жорий этишни режалаштираётгани ҳақида хабар берган эдик. Россиялик миллиардер бу борада ўз фикрларини билдирди.
“28 февраль куни Европа Иттифоқи менга нисбатан санкцияларни жорий қилди. Буни адолатсиз қарор деб биламан ва санкцияларни оқлайдиган сабаблар менинг шаъним, қадр-қимматим ҳамда ишчанлик обрў-эътиборимни камситувчи ёлғон айбловлардир. Мен ўз шаъним ва обрўйимни ҳимоя қилиш учун барча қонуний воситалардан фойдаланаман”, дейди Алишер Усмонов баёнотида.
Эслатиб ўтамиз, Европа Иттифоқи Россия Президенти Владимир Путинга яқин ҳисобланган миллиардерларга санкция жорий қилганди. Улар орасига “Роснефть” раҳбари Игорь Сечин, USM Holdings асосчиси Алишер Усмонов ва бошқалар кирган.
Европа Иттифоқининг санкциялар ҳужжатида айтилишича, Усмонов Кремлни қўллаб-қувватловчи олигарх, айниқса, Россия Президенти Владимир Путинга яқин инсон ҳисобланади.
“Уни Владимир Путиннинг севимли олигархларидан бири деб аташади. У молиявий оқимларни таъминлаш ишониб топширилган россиялик ишбилармон-амалдорлардан бири ҳисобланади, аммо уларнинг позицияси Президентнинг хоҳишига боғлиқ. Шу билан бирга, у Қримнинг аннекция қилиниши ва Украинадаги беқарорлик учун масъул бўлган россиялик қарор қабул қилувчиларни моддий ёки молиявий жиҳатдан фаол қўллаб-қувватлаган”, дейилади ЕИ баёнотида.
Тасодифий хабарлар
Санкция хавфи остида қолган Қирғизистон ҳаракатга тушиб қолди
“Қонли январь” воқеалари: Қозоғистонда МХҚ раисининг собиқ ўринбосари қамалди
"Толибон" Ўзбекистон ва Тожикистондан афғон ҳарбийлари олиб ўтган авиатехникаларни қайтаришни сўради
Хушхабар! Россия коронавирусга қарши дастлабки дорини тақдим этди
Зеленский Россия билан мулоқот қилиши учун шарт қўйди