Муфтий ишдан кетгани ҳақида хабар тарқатган Azon.uz сайти муҳаррирининг ўзи ишдан олинди

Азон.уз нашри Ўзбекистон Мусулмонлари идораси раиси, муфтий Усмонхон Алимов эгаллаб турган лавозимидан озод қилингани ҳақида хабар берган эди.

Бу хабар ижтимоий тармоқларда катта шов-шувга сабаб бўлди.

Ўзбекистон Мусулмонлари идорасининг расман билдирилишича, муфтий Усмонхон Алимов ўз лавозимидан озод этилмаган.

"Шу муносабат билан, 2019 йил 10 сентабр куни “Azon New Media”да шошилинч мажлис чақирилди ҳамда хабар тайёрлашда эътиборсизликка йўл қўйгани учун Azon.uz Бош муҳаррири ишдан олинди", деб хабар бермоқда Azon.uz сайти.